Bessent: Dorpêç wê aboriya Îranê wêran bike

PeyamaKurd - Wezîrê Xezîneyê ê DYAyê Scott Bessent li ser hesabê xwe yê torên civakî daxuyaniyek belav kir û bal kişand ser encamên tecrîd û girtina aborî ya li dijî Îranê.

Bessent peyama vîdeoyî ya Fermandarê CENTCOMê Amîral Brad Cooper alîgir girt û got:

"Operasyona dorpêçê û tecrîda aborî dê aboriya Îranê ya ku jixwe hildiweşiya bi temamî wêran bike."

Wezîrê Amerîkî diyar kir ku di 14 rojên dawî de wan alîkariya derbasbûna 130 mîlyon bermîl neftê li Tengava Hurmuzê kiriye, lê ji ber dorpêça deryayî Îranê tu neft hinardeyî dervayî welat nekiriye.

Bessent di bertekên xwe yên berê de jî rejîma Îranê tawanbar kiribû ku mîlyar dolaran dide hêzên xwe yên peywirdar ên herêmî li cihê ku ji bo gelê xwe xerc bike.

Li ser van gotinan, Serokê Meclisa Îranê û Danûstandkarê Serekî Mihemmed Baqir Qalîbaf bersiveke tund da Bessent û ragihand ku DYA bixwe mîlyar dolaran dide Îsraîlê li cihê ku ji bo welatiyên xwe yên ku hewcedar in bikar bîne.

Şerê gotinan û zextên aborî yên di navbera her du welatan de li herêmê metirsiya aloziyeke kûrtir zêde dike.