F-35I a Îsraîlê balafireke Yak-130 a Îranê xist xwarê

PeyamaKurd - Hêzên Parastina Îsraîlê (IDF) ragihand ku di pêla dehemîn a êrîşên li ser paytexta Îranê de, balafireke şer a pêşketî ya bi tîpa F-35I (Adir), balafireke şer a Îranê ya bi navê Yak-130 a çêkirina Rûsyayê li asmanê Tehranê xistiye xwarê.

Di dîroka cîhanê de cara ewilî pêk tê 

Vê rûdanê wekî bûyereke dîrokî di dîroka asmanî ya cîhanê de cih girt. IDFyê tekez kir ku ev cara yekem e li cîhanê ku balafireke şer a F-35 balafireke şer a bi mirov (manned aircraft) di şerekî asmanî de dixîne xwarê. Berê ev balafir bi tenê ji bo lêdana dron û hedefên ser erdê dihat bikaranîn.

Li gorî tomarên leşkerî, ev yekem car e piştî nêzîkî 40 salan ku Hêza Hewayî ya Îsraîlê balafireke bi mirov dixîne xwarê. Cara dawî di 24ê Mijdara 1985an de, balafireke F-15 a Îsraîlê du balafirên MiG-23 yên Sûriyeyê li ser asmanê Lubnanê xistibûn xwarê.

IDFyê ragihand ku pêleke berfireh a êrîşan li dijî binesaziya "rejîma terorîst" a Îranê li Tehranê dest pê kiriye.

Di vê pêlê de navendên fermandariyê yên Besîc û hêzên ewlehiya navxweyî bûn hedef. Medyaya dewleta Îranê jî piştrast kir ku li rojhilatê Tehranê teqînên pir tund rû dane û asmanê bajêr di bin kontrola balafirên nenas de ye.