Serok Barzanî rêveberiya nû ya Amerîkayê pîroz kir

PeyamaKurd - Serok Mesûd Barzanî îro 28ê Çile pêşwazî li Balyozê Amerîka li Iraqê Matthew H. Tueller û şandeke ligel wî kir.

Di hevdîtinê de Serok Barzanî pîrozbahiyên xwe yên ji bo destbikarbûna îdareya nû ya Amerîka bi Balyozê Amerîkayê gihand û hêviya berfirehtirbûna pêwendiyên di navbera her du aliyan de xwest.

Balyozê Amerîka yê Iraqê di civînê de, tekezî li ser berdewamî û hemahengiya di navbera welatê xwe û Herêma Kurdistanê û herwiha palpiştîkirina hêzên Pêşmergeyên Kurdistanê kir.

Di beşeke din a civînê de, rewşa siyasî û guhertinên dawî yên navçeyê û pêwendiyên Hewlêr û Bexdayê jî hatin axaftin.