Guterres: Pir xeternak e sivîlên Gazzeyê ber bi herêmek di bin dorpêçkirina tevahî de bên veguhestin

PeyamaKurd – Sekreterê Giştî yê Neteweyên Yekbûyî (NY) Antonio Guterres got, veguhestina sivîlên Gazzeyê bo herêmeke di bin dorpêça tam de, ku xwarin û stargeh lê tune ye, gelekî xeternak e û di hin şert û mercan de ne mimkûn e.

Guterres amaje bi wê yekê jî kir, rewşa Gazzeyê xirabtir bûye û got: "Êrîşa terorîstî ya Hemasê bû sedema mirina zêdetir ji 1200 kesan" û piştre bombebarana tund li ser Gazzeyê destpê kir.

Guterres diyar kir, vê yekê tevahiya gelê Gazzeyê kişandiye nava "êş û kaosê" û got, "Şer jî xwedî rêgez in. Divê rêz li hiqûqa navneteweyî ya mirovahiyê û hiqûqa mafên mirovan bê girtin. Divê sivîl bên parastin û weke mertal neyên bikaranîn."