Kirmasan | Di sewata avahiyekê de 2 kesan can da, 24 jî birîndar bûn

PeyamaKurd – Hat ragihandin ku şeva borî agir bi avahiyeke 9 qatî ya li parêzgeha Kirmaşan a Rojavayê Kurdistanê ket û di şewatê de 2 kesan can da û hejmarek kes jî birîndar bûn.

Li gorî ragihandina ajansa Tasnim Rêveberê Giştî yê Rêveberiya Qeyranan a Parêzgeha Kirmaşanê daye xuyakirin, şeva borî li derdora demjimêr 20:15ê agir bi yek ji avahiyeke taxa Behmenê ketiye û yekser tîmên agirkuj û hawarçûnê gihîştine cihê bûyerê.

Hatiye diyarkirin ku agir bi otombîleke li otoparkeke jêrzemînê ketiye û 5 otombîl şewitîne û piştre agir bi qatên din yên avahiyê ketiye6.

Rêveberê Giştî yê Rêveberiya Qeyranan a Parêzgeha Kirmaşanê daye zanîn ku 2 niştecihên avahiyê yên ku ketine otoparkê ji ber dûxan şewatê fetisîne û can dane. Herwiha 24 kesên din jî ji bo nexweşxaneyê hatine veguhestin.