Çîn gaza LPG ya Îranê 100 Dolar kêmtir ji bihayê gaza Erebistanê dikire

PeyamaKurd – Çîn gaza “LPG” ya Îranê, 100 Dolar kêmtir ji bihayê gaza Erebistanê dikire.

Bihayê tonek gaza LPG ya Erebistanê, nêzî 710 heta 740 Dolaran e; ev tê wateya ku welatê Çînê gaza Îranê 100 Dolar kêmtir ji gaza Erebistanê dikire.

Çîn mezintirîn bikirê gaz û nefta Îranê ye; berê jî hatibû zanîn Çîn nefta Îranê 5 Dolaran erzan ji ya bazarê dikire.

Welatê Çînê di sala 2019an de nêzî 4.94 milyon ton gaza Îranê kirîbû û di sala 2020an de ev yeka dakete 3.85 milyon ton û ew hejmare di çend mehên destpêka sala 2021an de giha bi 2 milyon. Amara giştî ya sala 2021an ya şandina neft û gaza Îranê ji bo welatê Çînê hîn nehatiye belavkirin.

Ev rewş ji ber sedema dorpêçên aborî yên li ser Îranê ye. Rejîma Îranê, ji ber dorpêçan bi dizî neft û gaza Îranê bi kêmtirîn bihayê difiroşe welatê Çînê.