Îdia: Îran dibe ku ji agirbestê vekişe

PeyamaKurd - Her çend Artêşa Pasvanên Şoreşê ya Îranê diyar kir, "Ger êrîşên li ser Lubnanê tavilê neyên rawestandin, em ê bersivek bidin êrîşkarên li herêmê ku wan poşman bike", herwiha hate îdîakirin ku rêveberiya Tehranê vekişîna ji peymana agirbestê difikire.

Artêşa Pasvanên Şoreşê ya Îranê daxuyaniyek derbarê êrîşên hewayî yên dijwar ên Îsraîlê li ser Lubnanê de parve kir.

Bi balkişandina ser peymana agirbestê ya du hefteyan a di navbera DYA, Îsraîl û Îranê de, daxuyanî wiha got: "Tenê çend saetan piştî peymana agirbestê, rejîma Siyonîst, ku kuştina bêguneh, zarok û jinan kiriye beşek yekgirtî ya nasnameya xwe, li Beyrûtê, paytexta Lubnanê, komkujiyek nû da destpêkirin. Em hişyariyek tund didin DYA û hevkarê wê yê Siyonîst ji ber binpêkirina peymanan: Ger êrîşên li ser Lubnanê tavilê neyên rawestandin, em ê erka xwe bicîh bînin û bersivekê bidin ku êrîşkarên li herêmê poşman bikin."

Di heman demê de, raporên medyaya Îranê îdîa dikin ku Tehran vekişîna ji peymana agirbestê difikire ger êrîşên Îsraîlê yên li ser Lubnanê tavilê neyên rawestandin.