Îranê bersiva pêşniyara aştiyê ya Amerîkayê da

PeyamaKurd - Komara Îslamî ya Îranê, bi rêya Pakistanê, bersiva pêşniyara dawî ya Dewletên Yekbûyî yên Amerîkayê da ku armanc dike pevçûnan bi dawî bike û şer li herêmê rawestîne.

Li gorî agahiyên ku ajansa fermî ya nûçeyan a Îranê roja Yekşemê, 10ê Gulana 2026an, weşandiye, bersiva Îranê ya ji bo pêşnûmeya dawî ya ku armanc dike şer bi dawî bike, ji rayedarên Pakistanî yên ku wekî navbeynkar tevdigerin re hatiye şandin.

Berê, Berdevkê Wezareta Derve ya Îranê Îsmaîl Bekayî bi berdewamî diyar kiribû ku piştî temamkirina nirxandinan û encamnameya dawî, nerîn û notên Îranê wê ji Amerîkayê re werin ragihandin.

Li gorî planê, danûstandinên di vê qonaxê de bi tenê li ser bidawîkirina şerê li herêmê ne.