Lîderê nû yê Îranê gef xwar: Binkeyên Amerîkayê nikarin xwe biparêzin

PeyamaKurd - Lîderê dînî yê nû yê Îranê, Mucetba Xameney, derbarê hebûna leşkerî ya Amerîkayê li Kendava Besrayê daxuyaniyên tund dan û Washington wekî "çavkaniya sereke ya bêîstîqrariyê" pênase kir.

Xameney: "Binkeyên Amerîkayê lawaz in"

Lîderê dînî yê Îranê Mucetba Xameney destnîşan kir ku hebûna hêzên Amerîkayê li ser axa Kendava Besrayê sedema herî mezin a neewlehiyê ye li herêmê. Xameney îdia kir ku binkeyên leşkerî yên Amerîkayê yên li herêmê di rewşeke "lawaz" de ne û got: "Ev binke ne tenê ji bo hevalbendên xwe, belkî ji bo parastina ewlehiya xwe bixwe jî bêhêz û bêkapasîte ne." Ev peyama Xameney di demekê de tê ku rageşiya leşkerî ya di navbera her du welatan de li ser sînorên deryayî û bejayî gihîştiye lûtkeyê.

Peyama ji bo hevalbendên herêmî

Mucetba Xameney bi van gotinan rasterast peyamek şand bo welatên herêmê yên ku mazuvaniya binkeyên Amerîkayê dikin.

 Bi gotina wî, Amerîka nikare aramiya herêmê dabîn bike û hebûna wê tenê alozî û xetereyan zêde dike. Ev daxuyanî nîşan dide ku piştî dewra Elî Xameney, Mucetba Xameney jî di polîtîkayên dijî-Amerîkayê de xwedî helwesteke tund e û hewl dide binkeyên leşkerî yên Washingtonê li Rojhilata Navîn wekî hedefên hêsan û bêbandor nîşan bide.