Naveroka gotûbêjên Konferansa Berlîn a Libyayê eskere bû

PeyamaKurd – Konferansa Berlînê ya bo rewşa Libyayê bi serpereştiya Almanya, piştevaniya Rûsya û çavdêriya Neteweyên Yekbûyî îro li Berlîn a Almanyayê dest pê kir.

Hat zanîn ku her du aliyê li Libyayê şerê hev dikin, Fermandarê Giştî yê Hêzên Artêşa Niştîmanî ya Libyayê Xelîfe Hefter û serokwezîrê hikûmeta demkî ya Wîfaqê Fayez Serac di konferansê de cî nagirin.

Li gorî ragihandina Euronewsê dê welatên beşdar mijara biryara şandina leşkeran a Tirkiyê jî tê de ev babet di rojeva gotûbêjên konferansê de ne:

• Pêkanîna agirbesteke domdar û aştiyê ku neyartiyan ji holê rake,
• Navber xistina nava xwe û komên cîhadî ku wekî terorîst hatine pênasekirin,
• Veguheztina girtiyan û termên kuştiyên aliyên şer,
• Dabînkirina ewlekariyê li niştîngehan û kelgehên petrolê,
• Daxwaza dorpêçan û dest danîna ser hesabên pereyên wan kesên têkiliya wan bi rêxistinên terorî yên wekî DAIŞê re hene,
• Qutkirina hemû alîkariyan bo rêxistin û kesên di lîsteya terorê de
• Ji bo hemû aliyan soza çavdêrîkirina qulnekirina ambargoya çekan û binpêkirinan