Sîroveya Aksener ji Metîner: Dibe ku ev jî taktîk be!

PeyamaKurd – Şîroveya Parlamenterê Partiya Dad û Geşepêdanê (AKP) Mehmet Metîner a li ser biryara terikandina maseyê ya Seroka Giştî ya ÎYÎ Partiyê Meral Akşener, bal kişand.

Mehmet Metîner got, "Hê her tişt bi dawî nebûye. Dibe ku ev jî taktîk be."

Piştî ku navê Serokê Giştî yê CHPê Kemal Kiliçdaroglu hat ser Maseya Şeşqolî, biryara vekişîna Seroka Giştî ya ÎYÎ Partiyê Meral Akşener ji Maseyê ket rojevê.

Şîrove û nirxandinên ewil ji AK Partiyê li ser biryara ÎYÎ Partiyê ya "Tifaqa Millet" destpê kir.

Endamê AK Partiyê Mehmet Metîner li ser hesabê xwe yê Twitterê yê platforma medyaya civakî wiha got, "Niha Kiliçdaroglu namzedê Maseya Pêncqolî ye. Sûcdarkirina Akşener li hember 5 kesên li ser maseyê (wek maseya notirvaniyê) gelekî giran hat."

Mehmet Metîner diyar kir, Serokê Giştî yê ÎYÎ Partiyê Akşener ji bo Mansûr Yavaş û Ekrem Îmamoglû banga wezîfeyê kiriye û wiha got: “Divê bangewaziya vekirî ya Akşener a ji bo her du şaredarên CHPê bê kirin. Akşener bêyî ku bi her du şaredaran re hevdîtin bike wê bangek wiha bike? Ez wisa nafikirim. Hate diyarkirin ku Îmamoglû di hevdîtina do êvarê de diyar kiriye, ew ji bo erka xwe amade ye.”

“Ne veşartî ye ku min bi Mansûr Yavaş re jî hevdîtinek bi vî rengî kiriye. Ka em binerin wê kîjan banga Akşener bişopîne yan na. Ger Îmamoglû û Yavaş banga Akşener red bikin wê hevkêşeyeke nû ya siyasî derkeve holê. Hîn neqediyaye. Gotina dawî nehatiye gotin. Di siyasetê de lîstik bi dawî nebûye.”

“Nebêjin ku di siyasetê de ev yan ew çênabe. Tê gotin ku ne mimkûn e. Weke ku niha Akşener ji maseyê vekişiyaye. Dibe ku ev jî taktîk be. Di siyasetê de lîstik bi dawî nebûye.”