Trump: Armancên pêş, pir û santralên elektrîkê ne

PeyamaKurd - Serokê Amerîkayê Donald Trump gefên xwe yên tund li dijî Îranê dubare kir û ragihand ku pir û santralên elektrîkê wê di qonaxa pêş a şer de armancên sereke yên welêt bin.

Trump di postekê de li ser platforma "Social Post" got, "Artêşa me, ya herî bihêz û mezin a cîhanê, hîn dest bi wêrankirina tiştên ku li Îranê mane nekiriye."

Wî diyar kir ku wêrankirina piran wê gava pêş be û pişt re santralên elektrîkê, û hişyarî da ku heke Tehran bi rêkeftinekê razî nebe, ew ê welêt vegerîne "Serdema Kevirî".

Daxuyaniyên Trump piştî ragihandina bombebarankirina yek ji pirên sereke li Kerajê, li rojavayê Tehranê, ji aliyê televîzyona dewletê ya Îranê ve hatin.

Serokê Amerîkayê êrîşê pesnê xwe da û got, "Pira herî mezin a Îranê hilweşiya û niha nayê bikaranîn. Li benda bêtir êrîşa bin."

Tevî hemû gefên xwe, Trump zêde kir ku ew dikarin bi serokatiya nû ya Îranê re bigihîjin encamekê. Trump îdia kir ku ev tîma serokatiyê "ji yên beriya xwe kêmtir tundrew û pir zîrektir bû," û tekez kir ku niha dema bêkêmasî ye ku bi Îranê re peymanek were çêkirin berî ku dem biqede û tiştek li welêt nemîne.