Trump: Civîna Dohayê dibe ku girîng be û dibe ku ne girîng be jî

PeyamaKurd - Serokê Amerîkayê Donald Trump, derbarê civîna ku ew îdia dike ku dê di navbera Îran û Amerîkayê de li Dohaya paytexta Qeterê pêk were, got, "Civîna Dohayê dibe ku girîng be, dibe ku ne girîng be. Em ê bibînin."

Trump ev daxuyanî li Qesra Spî da rojnamevanan. Trump behsa kêmbûna buhayê petrolê piştî îmzekirina fermana rêveberiyê ya ji bo kêmkirina lêçûnên tamîrkirina wesayîtan kir û got, "Hûn dizanin, bihayê petrolê pir kêm bûye. Me îro 69 dolar dît. Berî ku em dest bi şerê ji bo bêçekkirina Îranê bikin, ew ji wê bilindtir bû. Em di vê mijarê de pir baş dikin."

Trump derbarê civîna ku ew îdia dike ku dê di navbera Îran û Amerîkayê de li Dohaya paytexta Qeterê pêk were, got, "Civîna Dohayê dibe ku girîng be, dibe ku ne girîng be jî. Em ê bibînin. Ew diçin Qeterê. Ez difikirim ku ew berê çûne an jî li ber çûnê ne. Ka em bibînin ka ew çawa diçe."

Aliyê Îranê berê diyar kiribû ku dê li Dohayê civîneke Amerîka-Îranê tune be. Trump, ku got şerê leşkerî li dijî Îranê bi ser ket, diyar kir, "Bi rastî ew pir hêsan e. Bêçekkirina Îranê. Em naxwazin çekên wan ên nukleerî hebin, û ew ê nebin. Wan ev yek qebûl kiriye."