Zeydî: Ewlehiya Iraq û Siûdiyê ji hev naqetin

PeyamaKurd - Serokwezîrê Iraqê Elî Zeydî di gotarekê de ku roja Sêşemê 13ê Cotmeha 2026an di rojnameya Şarq Al-Awsatê de hate weşandin ragihand ku parastina ewlehiya Iraqê û misogerkirina seqamgîriya Erebistana Siûdiyê du mijarên cuda nînin, belkî parçeyên temamker ên muadileya ewlehiya Kendavê û herêmê ne.

Zeydî bal kişand ku ji ber bandora siyasî û aborî ya Bexda û Riyadê, peywendiyên navbera her du welatan xwedî giringiyeke stratejîk in.

Serokwezîrê Iraqê destnîşan kir ku sereketiya welêt ne tenê bi hêza leşkerî ye, belkî bi şiyana avakirina peywendiyên derve yên xurt e û got ku Iraq rêzê li serweriya welatên din digire.

Wî diyar kir ku divê Iraq ne bibe qada pevçûnan, belkî bibe piratîka dîplomasiyê.

Zeydî her wiha bal kişand ser aloziyên li Tengava Hurmizê ku zerar dane bazara enerjiyê û tekezî li ser girîngiya Projeya Rêya Geşepêdanê, xurtkirina torên veguhastinê yên bi Kendavê re, xebata dijî gendeliyê û kişandina veberhênana biyanî kir.