Li Reqayê mayînek hat bêbandorkirin

PeyamaKurd – Hêzên Ewlekariya Hundirîn ên Rojavayê Kurdistanê daxuyaniyek da û eşkere kir, li bajarê Reqayê Tîma Endezyariyê ya Bêbandorkirina Mayînan a Hêzên Ewlekariya Hundirîn, mayînek bê bandor kirin.

Li gor daxuyaniya li ser malpera fermî ya Hêzên Ewlekariya Hundirîn hat belavkirin de: “Welatiyekî agahî da ku li nêzî nexweşxaneya Reşîd a li kolana Nûr tiştekî bi guman heye. Li ser vê yekê hêzên me û Tîma Endizyariyê ya Bêbandorkirina Mayînan yekser berê xwe da deverê. Ji bo parastina welatiyan derdor dorpêç kir. Di encama kontrolkirinê de, hate zanîn ku mayîneke ji bermahiyên çekdarên DAIŞê ye û bêyî ku zerar derkevin, ew rakirin.”

Herwiha tîma endezyariyê herî dawî bang li welatiyan kir ku dema cismeke bi guman dîtin, yekser agahiyê bidin navendên ewlekariyê.