Li Herêma Kurdistanê êrîşên hevdem ên bi dronan: 7 balafir hatin xistin û bêbandorkirin

PeyamaKurd - Îro serê sibehê (14ê Adara 2026an), Herêma Kurdistanê rastî êrîşeke hevdem û berfireh a bi 7 balafirên bêmirov (UAV/Dron) hat. Sîstemên parastina hewayî li Hewlêrê ketin meriyetê û li Silêmaniyê jî dronek li zeviyeke vala ket xwarê.

Li Hewlêrê 5 dron li esman hatin îmhakirin

Li gorî agahiyên hatine wergirtin, ji 7 dronên ku di saet 10:00ê sibehê de hatine şandin, 6 ji wan ber bi paytext Hewlêrê ve hatibûn arastekirin. Bi saya aktîfbûna yekser a sîstemên parastina hewayî, berî ku bigihîjin hedefên xwe, 5 dron li asmanê Hewlêrê hatin îmhakirin û bêbandorkirin.

Li Silêmaniyê Dronek li zeviyeke vala ket

Di heman demê de, balafireke bêmirov a din a ku Silêmaniyê hedef digirt, li zeviyeke vala ya dûrî deverên niştecihbûnê ket xwarê. Hat ragihandin ku di vê rûdanê de tu ziyanên canî an maddî çênebûne û drona navborî tu metirsî li ser jiyana sivîlan ava nekiriye.

Ji Sibatê ve zêdetirî 300 êrîş 

Herêma Kurdistanê ji 28ê Sibata 2026an ve, ango ji destpêkirina operasyonên Amerîka û Îsraîlê yên li dijî Îranê, rastî pêleke dijwar a êrîşan tê. Li gorî amarên dawî, di nava van du hefteyan de zêdetirî 300 mûşek û dron ber bi axa Herêma Kurdistanê ve hatine avêtin.

Zêdebûna van êrîşan fikarên ewlehiyê li herêmê kûrtir dike, lê hêzên parastinê di amadebaşiya herî bilind de ne.