Sînorê qezaya Mawetê hat bombebarankirin

PeyamaKurd – Sînorê qezaya Mawetê ji aliyê balafireke bêbalafirvan hat bombebarankirin.

Li gor Qaymeqamê Qezaya Mawet Kameran Hesen ji K24ê re daye zanîn: “Vê sibê bi rêya balafireke bêbalafirvan, gundê Basawê yê li sînorê qezaya Mawet hat bombebarankirin.”

Kameran Hesen diyar kiriye, "Bombebaran nêzîkî saet 09:10 xuleka sibeha îro hatiye kirin, ji ber wê şewat derketiye û di hewla kontrolkirina şewatê de ne".

Herî dawî derbarê ziyanên bombebaranê de Kameran Hesen gotiye: “Ti welatiyekî sînorê qezaya Mawet ji ber bombebaranê ziyan nedîtiye.”