Serokomara Moldovayê: Em radest nabin

PeyamaKurd- Serokomara Moldovayê Maya Sandu, li ser helwesta Rusyayê ya ji bo herêma Transdinyesterê axivî û ragihand ku ew ê radestî van sorkirinên Rusyayê nebin.

Maya Sandu, di daxuyaniya xwe de bal kişand ser gotinên Wezîrê Karên Derve yê Rusyayê Sergey Lavrov û ku gotibû,

“Heger li herêma Transdinyesterê, gefên ji aliyê Moldovayê ve hebin, dê ji aliyê Rusyayê ve wekî êrîşek dijber werin qebûlkirin.”

Serokomar Sandu li ser van gotinan got, “Em ê radestî van gotinên sorkirinê nebin. Em, welatekî aştîxwaz in û em aştiyê dixwazin. Em hêvî dikin ku li Ukraynayê jî aştî çêbibe.”

Serokomara Moldovayê Sandu di dewama daxuyaniya xwe de got,

“Li ber me, şer heye. Parastina aştî û aramiya Moldovayê, girîng e û ji bo vê jî çi ji destên me were, divê em bikin. Divê destûr neyê dayîn ku welatiyên Moldovayê bi hincetên nijadî, neteweyî yan jî herêmî werin parçekirin.”