Li Meksîkayê cesedê parlamenter a jin hat dîtin

PeyamaKurd- Ev demeke ku parlementera Meksîkayê Anel Bueno wenda ye û niha cesedê wê hat dîtin. Bueno di meha nîsanê de çûbû eyaleta Colimayê bajarê Ixtlahuacanê da xebatên tenduristiyê bike û ji aliyê kesên çekdar de hatibû revandin. Cesedê wê, di goreka bi dizî de hat tesbîtkirin. Li ser tesbîtkirina cesedê wê, serokê dewleta Meksîkayê Andres Manuel Lopez Obrador peyamekî belav kir û di peyama xwe de weha got:

“Cesedê wê di gorekî bi dizî de hat dîtin. Bo rêvebiriya qanûnçêkera Colîmayê, bo malbat, mirov, heval û hemkarên wê sersaxiyê dixwazim. Bûyerekî ciyê daxê ye û nexweş e.”

Obrador ragihand ku bi sedema kuştina wê yek hatiye girtin û lêpirsîna wî dewam dike.