Sanda HDPê bi Serokê Herêma Kurdistanê re civiya

PeyamaKurd - Şanda HDP û KCDê, di çarçoveya serdana xwe ya Herêma Kurdistanê de, piştî ku doh Serok Mesûd Barzanî re civiya îro jî bi Serokê Herêma Kurdistana Nêçîrvan Barzanî civiya.

Şanda ji Hevserokê Giştî yê Partiya Demokratîk a Gelan (HDP) Sezaî Temellî, Hevserokê Kongreya Civaka Demokratîk (KCD) û Parlamenterê Agiriyê Berdan Ozturk, Wekîla Serokê Koma HDPê û Parlamentera Mersînê Fatma Kûrtûlan, Alîkarê Hevserokên Giştî Nazmî Gur, Hevberdevka Komîsyona Têkiliyên Derve û Parlamentera Êlihê Feleknas Ûca û Parlamenterê HDPê yê Amedê Îmam Taşçier pêk dihat, îro bi Serokê Herêma Kurdistanê Nêçîrvan Barzanî re hevdîtinek pêk anî.

Şanda HDPê ji aliyê Serokê Herêma Kurdistanê Nêçîrvan Barzanî, Berpirsiyarê Ofîsa Serokatiya Herêma Kurdistanê Kerîm Sîncarî, Berpirsyarê Têkiliyên Derve yê Hikumeta Herêma Kurdistanê Sefîn Dîzayî, Berpirsyarê Têkiliyên Herêma Kurdistan û Tirkiyeyê Ebdulselam Reşîd û Berpirsiyarê Komîteya Têkiliyan a PDKê Elî Hisên ve hat pêşwazîkirin. 

Derbarê naveroka hevdîtina ligel Serokê Herêma Kurdistanê de hîn ti daxuyanî nehatiye dayîn.

Piştî hevdîtina ligel Nêçîrvan Barzanî hat diyar kirin ku şandeya HDPê wê îro li saet 12:00an jî bi Serokatiya Parlementoya Kurdistanê re bicive. 

Şanda HDP û KCDê doh ji aliyê Serok Mesûd Barzanî ve hatibû pêşwazîkirin û bi nûnerên Hizbî Zehmetkêşanî Kurdistan û nûnertiya KNKê re jî civiyabû.