Reuters: Biden û Jinping di hefteya pês de dicivin

PeyamaKurd – Ajansa Reutersê diyar kir, Serokê Amerîkayê Joe Biden û hemtayê wî yê Çînê Xi Jinping, di hefteya pêş de bi awayekî onlayn dicivin.

Rayedarên Qesra Spî û berpirsên Balyozxaneya Çînê ya li Washingtonê piştrastkirina civînê red kirin.

Rêvebiriya Biden di serî de bi Çînê re pêwendiyeke bi girjî çêkiribû û vê yekê hêrsa hevalbendan bilind kiribû.

Li gor zanyariyan, ew rêvebirî niha hewil dide bi Xi Jinping re danûstandineke rastexwe çêke û rê li ber gurbûna girjîya di navbera Amerîka û Çînê de bigire.

Şêwirmendê Ewlekariya Neteweyî ya Amerîka Jake Sullivan û dîplomatê payabilind yê Çînê Yang Jiechi, meha borî li Zurîhê civîyabûn û wan li hev kiribûn ku civîna Biden û Xi Jinping berî dawiya salê li dar bixin.

Herwiha Reutersê da zanîn, Washingtonê ji bo sînordarkirinên ji ber pandemiyê yên li Çînê, xwestiye ku Biden û Xi Jinping bi rêka vîdeokonferansê bicivin.

Qesra Spî roja Duşemê dîyar kiribû ku Biden û Xi Jinping wê berî dawiya salê bicivin.

Pispor dibêjin ku her du alî dikarin sînordakirinên bo vîzeyên rojnamevanan sist bikin û dibêjin ku lihevkirina bo vekirina balyozxaneyên li Chengdu û Houstan dikare rewşê rindtir bike.