DYA û Îngilîstanê li Yemenê xistin!

PeyamaKurd – Kanala televîzyonî ya El-Mesîra ya girêdayî Hûsiyan ragihand ku DYA û Îngilîstanê bi giştî 6 êrîşên hewayî birin ser herêma El-Erac a navçeya Bacil a bajarê Hudeyde û herêma Ras Îsa ya li navçeya Es-Selîf.

Di nûçeya televîzyona El-Mesîra ya Hûsiyan de hat diyarkirin ku DYA û Îngilîstanê 3 êrîşên hewayî birin ser herêma El-Erac a li navçeya Bacil a bajarê Hudeydê.

Di nûçeyê de hat ragihandin ku balafirên şer ên DYA û Îngilîstanê 3 caran êrîşî herêma Ras Îsa ya navçeya El-Selîf a Hudeydê kirin.

Derbarê mijarê de heta niha ji DYA û Îngilîstanê tu daxuyanî nehatiye dayîn.