Qesra Spî li ser daxuyaniya Netanyahu ya "Wê dawiya we weke Xezzeyê be": Ev ne tistê ku em dixwazin bibînin e

PeyamaKurd – Berdevka Qesra Spî Karine Jean-Pierre di daxuyaniya xwe ya li ser tehdîda Netanyahû ya "Dibe ku Lubnan bibe Xezzeyeke din" got: "Em nikarin bibînin ku Lubnan bûye Xezzeyeke din, em ê nebînin jî. Ev ne tiştê ku em dixwazin bibînin e."

Berdevka Qesra Spî Karine Jean-Pierre di civîna çapemeniyê ya rojane de derbarê operasyonên Îsraîlê yên li Lubnanê de nirxandin kirin.

Jean-Pierre derbarê gefa Serokwezîrê Îsraîlê Netanyahu ya ku dibêje "Dibe ku Lubnan bibe Xezzeyeke din" got: "Tişta ku ez ê di vê pirsê de bi eşkereyî bêjim ew e ku em nikarin bibînin ku Lubnan bûye Xezzeyeke din, em ê nebînin jî. Ev ne tiştê ku em dixwazin bibînin e."

Jean-Pierre tekez kir ku êş û azarên li Xezze û Lubnanê ji bo bidawîkirina nakokiyan û danîna bingehê aştiya mayînde û ewlekariya li herêmê hîn bêhtir bileztir dike. Wî angaşt kir ku eger Hizbullah êrîşên bi roketan ên li dijî Îsraîlê rawestîne, "êşên li Lubnanê dikaribû bihata astengkirin."

Jean-Pierre herwiha diyar kir ku çareseriyeke dîplomatîk ku hem sivîlên Lubnanî û hem jî yên Îsraîlî bi selametî vegerin malên xwe yên li her du aliyên Xeta Şîn, teqez pêwîst e.