Ûkrayna: “Me li du botên dewriyê yên Rûsyayê xist”

PeyamaKurd – Wezareta bergiriyê ya Ûkraynayê ragihand ku wan li Derya Reş nêzî girava Mar li 2 botên dewriyê yên Rûsyayê xistine. Ûkrayna wêneyên botên dewriyê li ser çapemeniya navdewletî belav kir. Ûkrayna bi dronan li botan xistiye û ev jî balkêşe.

Artêşa Ûkraynayê ragihand ku bi fuzeyan li botan xistine û her duyan jî noqav kiriye. Wezaret balê kişand ser keştiya ‘Moskova’ ku berê Rûsya red kiribû ku Ûkrayna li keştiya wan xistiye û paşî keşti ‘Moskova’ noqav bûye. Rêvebirê wezaretê her weha ragihand ku dibe êrîşekî ji aliyê deryayê de ji bo ser Odessayê bibe.