Li Sûdanê çekên Tirkiyê yên qaçaxî hatin girtin

PeyamaKurd – Hat ragihandin ku li ser sînorê rojhilatê welatê Sûdanê, hêzên ewlehiyê zêdetirî 500 çekên Tirkî yên bi qaçaxî derbas bûbûn girtin.

Berdevkê polîsê Wîlayeta Qedarif a Sûdanê ragihandiye ku hêzên wan li herêma Qilûd a sînorî zêdeyî 500 çekên Tirkî yên bi rêyên qaçax derbasî welat bûbûn girtin.

Rayedarê Sûdanî daye zanîn ku piştî şopandina wan kesên qaçaxçî operasyon hatiye kirin û dema operasyonê qaçaxçîyan çekên ku li pişta devehan kiribûn hiştine û reviyane.

Li gorî çavkaniyên ewlehîya Sûdanê destê rêxistina Ixwan el- Muslimîn di karê anîna çekên Tirkiyê bi qaçaxî de heye.