Îro Hikûmeta Herêma Kurdistanê û Parlementoya Kurdistanê dicivin

PeyamaKurd – Biryar e îro pêncşemê (12.09.2019) şandeka Hikûmeta Herêma Kurdistanê û Parlemantoya Kurdistanê bicivin. Herwiha hefteya dahatû jî şandeka Hikûmeta Herêma Kurdistanê jî serdana Bexdayê bike.

Piştî civîna duhê ya kabîneya hikûmeta Herêma Kurdistanê biryara hate dan ku îro şandeka Hikûmeta Herêma Kurdistanê ligel Parlementoya Kurdistanê bicive.

Herwiha şanda Hikûmeta Herêma Kurdistanê û Parlementoya Kurdistanê bi armanca gotûbêjkirina zanyarî û amarên pêwîst ligel şanda Hikûmeta Iraqê û Hikûmeta Herêma Kurdistanê bicivin. Herwiha bo serdana hefteya dahatû ya bo Iraqê amadekarî bihêne kirin.

Berdevkê Hikûmeta Herêma Kurdistanê Cotyar Adil duhê di civîneke rojnemevanî da eşkere kir bi armanca gotûbêjkirin û veguhertina zanîyarîyan derbarê pirs budce û beşdarîya Herêma Kurdistanê di qonaxên destpêka amadekirina reşnivîsa budceya sala 2020an ji alîyê Wezareta Darayî ya Hikumeta Federal va wê şandeke Hikûmeta Herêma Kurdistanê wê biçe Bexdayê. Herweha banghêşta komîteya darayî, petrol û gaz û yasayî di civata Nûnerên Îraqê de bên kirin bo Herêma Kurdistanê.

Herwiha Cotyar Adil da zanîn Herêma Kurdistanê ligel wê yekê ye ku her pirsekê bi rêya diyalogê ligel Iraqê çareser bike.