Kanada kirîna Alûmînyûm û hesinê Pola ji Rûsyayê qedexe kir

PeyamaKurd – Kanada ji bo aboriya Rûsyayê bişkêne, kirîna alûmînyûm û hesinê pola ji Rûsyayê qedexe kir. Wezîrê darayî yê Kanadayê Chrystia Freeland ragihand:

“Ûkrayna dikare vî şerî qezenc bike û divê qezenc bike jî. Ji bo finansa Rûsyayê bibirin da ku Putin zêde Ûkraynayê îstîla neke û dahata wê kêm bikin, ji destê me çi tê em dikin. Kirîna hesinê pola û Alûmînyûm ya ji Rûsyayê me qedexe kir.”

Kanada heya niha li hemberê Rûsyayê ji 1.600an zêdetir kes û dezgeyan asteng kiriye û bi miqdarê 3.6 milyar dolarî destekê daye Ûkraynayê. Kanada di sala 2021an de ji Rûsyayê bi miqdarê 45 milyon dolarî alûmînyûm û bi miqdarê 213 milyon dolarî hesinê pola kirîbû.