ENKS: Banga Sara ji bo belavkirina kînê û armanckirina Kurdan hate bikaranîn

PeyamaKurd- Encûmena Niştîmanî ya Kurdî (ENKS), xwepêşandanên li Sûriyê yên piştî banga Serokê hikûmeta veguhûz Ehmed Şera hatine lidarxistin û sivikatî bi Kurdan hatiye kirin, daxuyanî da.

ENKSê daxwaz ji rêveberiya veguhêz a Şamê kir ku helwesteke zelal derbarê gotarên kînê de bistîne û tekez kir ku ev kiryar berê Sûriyê didin dabeşbûneke zêdetir.

ENKSê got, ew bi dilgiranî gotarên handanê di wan ahengên ku Serokê Sûriyê Ehmed El-Şeri’ banga wan kiribû, dişopînin û diyar kir, “Ev kombûn û platformên wan ji bo belavkirina kînê û armanckirina miletê Kurd û pêkhatên din ên Sûriyê hatin bikaranîn".

ENKS da zanîn, "Bilindbûna zimanê gef û handanê di wan kombûnan de, metirsyeke yekser li ser pêkvejiyan û aştiya civakî dirust dike û ev kiryar berê Sûriyê didin dabeşbûneke zêdetir".

Encûmena Niştîmanî ya Kurdî banga sizadana dengên kînê didin û aştiya civakî têk didin, kir û bang li rêveberya veguhêz a Şamê kir ku helwesteke zelal û redker ji van gotaran bistîne.

ENKSê diyar kir, ku "Rêya aramiyê bi danpêdanê bi Sûriyeya pirnetew û ol û pêkhate dest pê dike û divê destûra wê mafên hemûyan, di nav de miletê Kurd di çarçoveya yekbûna Sûriyê de, gerentî bike".

ENKSê got, "Pejirandina banga Şanda Kurdî ya Hevbeş ji aliyê rêveberiya Şamê ve ji bo diyalogê li ser pêşeroja Sûriyê û mafê miletê Kurd, rê li ber hemû bangên fitnê digire".

Di dawiya daxuyaniyê de, Encûmena Niştîmanî ya Kurdî tekez kir ku "Ew pabend e bi kar ji bo Sûriyeya nenavendî demokratî û piralî".