Wezîrê Elektrîkê: Dana Gas dixwaze sîstema dijî dronan li Kormorê bê danîn

PeyamaKurd- Wezîrê Elektrîkê yê Herêma Kurdistanê Kemal Mihemed, di civîneke rojnamevanî de ragihand: "Şertê Dana Gas ew e ku sîstema parastina Dijî-dron ji Kormorê re bê dabîn kirin, ku ev daxwaza me ye jî û pêdivî bi wê heye."

Wezîrê Elektrîkê da zanîn, niha du hezar megawat elektrîk heye û di çend demjimêrên pêş de dê vegere rewşa normal.

Mihemed diyar kir: "Bi hedefgirtina Kormorê, me rê li ber terorîstan girt ku bigihîjin armancên xwe.’’

Wezîrê elektrîkê got ku Serokê Hikûmetê ji şeva bombebaranê ve li ser xetê bû da ku pirsgirêkan çareser bike. Em spasiya welatiyan dikin ji bo sebra wan a dirêj û ji wan re piştrast dikin ku rewşa elektrîkê ber bi baştirbûnê ve diçe.

Kemal Mihemed diyar kir, li ser bûyera Kormorê komîteyek ewlehiyê hatiye avakirin û ew ê karê xwe bikin û dûv re encaman ji raya giştî re ragihînin û divê sînorek ji bo kesên ku qanûnê binpê dikin were danîn.