Li Licêya Diyarbekirê bi hezaran ajal sewitîn

PeyamaKurd - Li navçeya Licê ya Diyarbekirê, piştî agir bi daristanê ket û ji ber ev çend roj in nehat vemirandin, bi rojan e daristan dişewite. Di encama şewata daristanê de, diyar bû ku bi hezaran ajal şewitîn û mirin.

Li navçeya Licê ya Diyarbekira Bakurê Kurdistanê, di roja 28.07.2020an de li daristanan ji ber operasyonên leşkerî şewat derket. Lê ji bo vemirandina êgir hewldan nehatin kirin û agir zevîyên gundîyan jî şewitand.

Welatîyên gundên Derxust, Sisê, Cinezûr, Cimar û Henyatê bi derfetên xwe agir vemirandin û piştî encama vemirandinê, dîtin ku bi hezaran ajal ji ber êgir mirine. Li gor zanyariyan, gelek ajal jî ji ber şewatê ji herêmê koç kirine.