Demirtas ji Erdogan re: Tu rast dibêjî!

PeyamaKurd- Namzetê HDPê yê Serokomariya Tirkiyê Selahattin Demirtaş li dijî peyvên Serokomarê Tirkiyê Recep Tayyip Erdogan axivî û got ku vê carê tu rast dibêjî.

Serokomarê Tirkiyê Recep Tayyip Erdogan duh di mitîngê de li dijî Namzetê HDPê yê Serokomariya Tirkiyê Selahattin Demirtaş axivîbû û wiha gotibû. Namzetbûna Demirtaş tiştekî xelet e. Divê ev xeletî were sererastkirin. Lewra ji bo namzetbûna Serokomariyê divê hinek qanûn û qaîde hebin.

Li ser van peyvên Recep Tayyip Erdogan, Namzetê HDPê yê Serokomariya Tirkiyê Selahattin Demirtaş li ser hesabê xwe yê twitterê bersiva Erdogan da û ev mesaj weşand: Vê carê tu rast dibêjî. Xebera te ye, divê ji bo namzetbûna serokomariyê hinek qanûn û qaîde hebin. Mesela ji bo namzetbûnê, divê “Îcazeta Zanîngehê” hebe. Lê belê heta niha ti kesî îcazeta te ya zanîngehê nedîtiye. Krîterên min temam in. Lê yên te şikdar in.