Îro 17ê Berfanbarê Roja Alaya Kurdistanê ye

PeyamaKurd - Îro 7ê Berfanbarê Roja Alaya Kurdistanê (Ala Rengîn) ye û bi boneya vê yekê di vê rojê de li seranserê Kurdistanê bi bername û çalakiyên cur bi cur Roja Ala Rengîn tê pîrozkirin û bi bilind nirxandin li ba tevahiya gelê Kurdistanê.

Al, remz û sembola neteweyan e. Sembola Kurdistanê, ku wekî ‘Ala rengîn’ tê bi navkirin, xwediyê dîrokeke dûr û dirêj e. Alaya Kurdistanê, ji rengên kesk û sor û zer û spî pêk hatiye. Di navê de rojeke ser heye heye. Ew reng û remzên di Alaya Kurdistanê de henin, di hemu serhildan û buyerên netewî yên gelê Kurd de hatine bikaranîn. Dema tevgera Şêx Seîd de, di dema Şêx Mehmud û di dema İhsan Nurî Paşa de bi hinek cudahîyên piçûk hatiye bikaranîn.

Ji sala 1946an de, dema damezrandina dewleta serbixwe ya bi navê Komara Kurdistana Mehebad de Ala rengin a ku heya îro wek Alaya Kurdistanê tê qebulkirin.

Ev roja netewî, cara yekem di sala 1999an de bi biryar û yasayeke Hikûmeta Herêma Kurdistanê wekî ‘Roja Alaya Kurdistanê’ hatiye destnîşankirin û li her sal li her derê welat bi awayekî fermî û û li dervayî welat bi kêfxweşî û serbilindî tê pîroz kirin.

Hin Çalakiyên Pîrozbahiyê wiha ne:

• Li Herêma Kurdistanê di Roja Alaya Kurdistanê de, hemû bajar û bajarok bi ala rengîn tên xemilandin û li hemû bajaran çalakiyên cur bi cur tên lidarxistin.
• Îro saet 08:30an de li Zanîngeha Selahedînê bi helkefta roja Alaya Kurdistanê, li tevahiya holên xwandinê bi beşdariya zêdetir ji 25 hezar xwandekaran, ji aliyê mamosteyên zankoyê ve dersek taybet derbarê Ala Kurdistanê de tê gotin.
• Herwiha li Hewlêrê îro saet 12:00an merasima pîrozkirina roja Alaya Kurdistanê li Keleha Hewlêrê birêve diçe.
• Li Mîhwera Guwêr-Mexmûrê ya Hêza Pêşmerge jî saet 10:30an merasima nimayişkirina aleke1000 mîtroyî ya Kurdistanê birêve diçe

Em wekî malpera PeyamaKurd, Roja Alaya Kurdistanê bi dilgermî pîroz dikin. PeyamaKurd şanazî û kubarî bi Alaya Kurdistanê dike. Her bijî 'Ala Rengîn’ Her bijî Alaya Kurdistanê!