Belgeya 'rêkeftina vesartî' ya PKK û Îranê hat belavkirin

Peyemakurd - Îro, di ragihandina Îranî de belgeyek hatiye belavkirin, ku di navbera Fermangeha Sipayî ya Herêma Rojavayê Welat-Îran û PKK de pêk hatiye. Em vî belgenameyî bê komentar pêşkêşî xwendakarên PeyamaKurd dikin.

Bi nave xwedê

Komara Îslami ya Îran

Jimare: 41131

Dem: (vala hiştine) Logo ya Spayê Pasdarên Inqilab

Pewest: Saxbûna reber

Agahdarî ji Fermangeha Sipayî ya Herêma Rojavayê Welat

Ji bo berêzên Komîsyona Ewlekariya Mîllî

Babet: Berdewamiya pewendiyên mercdar ligel gruhî(unsurên) PKK

Ligel silav û rêzên me ev daxuyanî li xwarê tê pêşkeşkirin.

Li gor destûr û fermana jimareya 643-1 ku ligel guruhê(unsurên) PKK lihevkirin pêk hatiye, divê ew ji bo hêzên me nebin rêgir û pirsgirêkan dernexin. Lê eger hat û piçuktirîn hewl li beramber vê peymana hanê rû bide, wê Qerergaha Remezan tevaya alikariyên lojîstîkî û alîkariya Radarê ji bo PKK rabigre/bibire.

Ji aliyê din ev gruha hanê pabende (qebul kiriye), ku deverên li sînor bi jimareyên 7-8-11-16-17 kontrol bike û hemû cûre agahdariyan bide Qerargeha Ramazan.

Herweha hatiye qebûlkirin; eger hat û endamên Iranî (Ji gruha PKK) vegeriyan yan jî bêne girtin, wê radestî dadgehên Îranê bibin. Lê eger kesên Tirkiyeyî, Îraqî û Sûriyeyî bêne girtin, wê bên bêçekkirin û emê wan radestî navenda gruha PKK bikin.

.