Îranê, 7 kesên Brîtanî desteser kirin

PeyamaKurd- Ji aliyê Supaya Pasdaran a  Îranê ve hat ragihandin ku 7 kesên ku bi îdiaya pêşengiya xwepêşandanên Jîna Emînî yên li welêt dikirin û li ser navê Brîtanyayê operasyonan dikirin, dema dixwestin ji welêt birevin, hatine desteserkirin.

Di agahiyên hatin parvekirin de hat ragihandin ku kesên di nav wan de hemwelatiyên Îranî-Brîtanî jî hene, dema dixwestin ji Îranê birevin ji aliyê hêzên artêşê ve hatine desteserkirin. 

Di daxuyaniya nivîskî ya artêşê de hat diyarkirin ku kesên navborî endamên rêxistina Zagros a Brîtanyayê ne û bi banga tevlîbûna çalakiya Jîna Emînî, pêşengiya xwepêşandanan dikin. 

Di daxuyaniyê de hat gotin ku

"Rêxistina bi navê 'Zagros' a ku li welêt tevdigere û li Îranê bi bikaranîna komên li dijî rejîmê di nav welêt de serhildanan dimeşîne û di vê çarçoveyê de xebatên organîze dike, hat tespîtkirin û hat hilweşandin.

Operasyon, ji aliyê Yekîneya Îstixbarata Kermanê ya girêdayî Artêşa Supaya Pasdarên Îranê ve hat kirin û di derbarê tesbîtkirina têkiliyên hundir û derve yên rêxistinê de lêpirsînê berdewam dike."