Li Kerkûkê agir bi wargeha Hay City ket

PeyamaKurd – Li Kerkûkê, agir bi wargeha Hay City ket û di encamê de, ziyaneke mezin ê darayî derket holê. Lê ziyanên canî çênebû û berdevkê rêveberiya berevaniya şaristaniya Kerkûkê jî derbarê şewatê de agahî dan.

Li gor berdevkê rêveberiya berevaniya şaristaniya Kerkûkê Qeys Ebdulrezaq diyar kir: ‘‘Şeva borî 25.04.2021ê agir berbû wargeha Hay City ya li navçeya Erefe ya Kerkûkê û bi taybet marketên Jiyan şewitîn.’’

Herwiha da zanîn: ‘‘Heta niha sedema şewatê bi temamî diyar nebûye, lê tenê ziyanên madî çêbûne û ziyanên canî çênebûne.’’

Qeys Ebdulrezaq eşkere kir: ‘‘Lijneya taybetmend, ji bo qerebûya ziyanan hatiye lidarxistin û egereke mezin agir ji ber şorta elektrîkê derketiye.’’