Komîsyona Hilbijartinan a Kurdistanê: Encamên Parlamentoya Iraqê Sibê Êvarê Tên Eskerekirin

PeyamaKurd – Pêvajoya dengdana giştî ya ji bo Hilbijartinên Parlamentoya Iraqê îro Sêşemê (11ê Mijdarê) di saet 18:00an de bi dawî bû. Bi milyonan dengdêrên li seranserê Iraq û Herêma Kurdistanê di bin tedbîrên ewlehiyê yên giran de dengên xwe dan.

Neberd Omer, Serokê Lijneya Hilbijartinê ya Herêma Kurdistanê, di civîna çapemeniyê ya li Hewlêrê de axivî û ragihand ku prosesa jimartinê dest pê kiriye.

"Em plan dikin ku encamên destpêkê yên giştî yên hilbijartinan sibê êvarê, ango Çarşem, 12ê Mijdara 2025an, saet 18:00an de, ji raya giştî re eşkere bikin."

Omer her wiha daxuyand ku ji bo misogeririna şefafiyetê, deriyê îtîrazan vekiriye:

"Partiyên siyasî dikarin di nav 72 demjimêran de, daxwazên xwe yên îtîrazê yên derbarê pêvajoya hilbijartinê de pêşkêşî Komîsyonê bikin."

Wî tekez kir ku li hember kesên binpêkirinan kirine dê cezayên giran werin sepandin.

Tê çaverêkirin ku daneyên fermî yên li ser asta beşdarbûna dengdêran jî ligel encamên pêşîn ên hilbijartinan werin belavkirin.