Li senatoyê dadgehakirina Trump îro dest pê dike

PeyamaKurd – Serokê Amerîkayê Donald Trump ku ji aliyê Encûmena Nûneran a Amerîkayê ve ji kar dûrxistina wê hatiye xwestin, îro 21ê Çile bi awayekî fermî darizandina wî li ber dadgeha taybet a senatoya Amerîkî dest pê dike, lê Trump bixwe îro ne li Amerîka ye ku beşdariya Korbenda Aborî ya Cîhanî li Davosa Swîsreyê dike.

Serokê Dadgeha Amerîkayê, John Roberts got: “Rûniştina Encûmena Pîran wek dadgeheke taybet bi lêpirsîna derbarê Serokê Amerîkayê de bo 21ê ‎meha Çile, demjimêr yekê piştî nîvro hat paşxistin.”‎

Encûmena Nûneran a Amerîkayê ku piraniya kursiyên wê di destê Demokratan de ye, bi armanca ‎dûrxistina Trump ji desthilatê ew lêpirsîn daye destpêkirin ku Trump bi bikaranîna xirab a deshilatiyê û guh nedana karûbarên kongresê tê tawanbar kirin.

Xalên dest ji kar kişandina Trump bo senatoyê hatine şandin ku li wê derê bi amadebûna Serokê Dadgeha Bilind a Amerîkayê, hemû ‎senatoran sonda yasayî xwar daku bi awayekî dadperwerî ligel vê mijarê tevbigerin.‎