Li Rojavayê Kurdistanê qedexe hat dirêjkirin

PeyamaKurd - Li Rojavayê Kurdistanê di çarçovcya biryarên bo pêşîgirtina belavbûna vîrusa koronayê de qedexeya çûnûhatinê 10 rojên din hat dirêjkirin.

Rêveberiya Xweser a li Rojavayê Kurdistanê ragihand ku qedexeya çûnûhatinê ya nav bajarên herêmê wê ji 02.05.2020 heta 11.05.2020 berdewam bike.

Li Rojavayê Kurdistanê herî dawî li taxeke bajarê Hesekê 2 haletên tûşbûna bi Covid-19 hatibûn tomarkirin ku jin û mêrek in.

Li ser vê yekê Desteya Tenduristiyê biryara tundkirina rêkarên bo pêşîgirtina belavbûna koronayê dabû ku îro jî Rêveberiya Xweser biryara 10 rojan dirêjkirina qedexeya çûnûhatinê di navbera bajar û bajarokên Rojavayê Kurdistanê de wergirt.