Li sînorê Daqûq û Xurmatûyê dronek ket xwarê

PeyamaKurd – Li sînorê Daqûq û Xurmatûyê îro danê sibê dronek ket xwarê.

Li gor zanyariyan, îro danê sibê dronek li sînorê Daqûq û Xurmatûyê firiya û piştre ket xwarê, herwiha eşkere kir, hîn ne diyar e ku ew dron ser bi kîjan alî ve ye, lê belê ji ber logo û navnîşana li ser dronê xuya ye, dibe ku droneke Amerîkî be.

Hat diyarkirin, ew cihê ku dron li ser difiriya, cihekî qedexekirî ye.

Li gor zanyariyan, niha hêzên artêşê û îstixbarat û asayîşa niştimanî li cihê bûyerê ne.

Herwiha çapemeniya Iraqê dibêje, drona ku ketiye xwarê, ji cûreya MQ1 Gray a Amerîkî ye.