Li Girê Spî depoya genim hat talan kirin: Kîlo bi 25-30 lîre difirosin Tirkiyê

PeyamaKurd – Hat ragihandin ku piştî çekdarên cîhadî yên girêdayî Tirkiyê yên paramilîter ketine bajarê Girê Spî heman wekî Efrînê dest bi dizî û talanê kirine.

Li gorî ragihandina çavkaniyên herêmê, komên çekdar ên girêdayî Tirkiyê, xêr û bêrê xelkê Girê Spî didizin û dişînin Tirkiyê.

Li gorî zanyariyan, çekdarên girêdayî Tirkiyê piştî ku ketin gundê Dehlîz ê Girê Spî, dest bi talankirina depoyên genim ên gund kirine ku di wê depoyê de 11 hezar û 400 ton genim hebû.

Çavkaniyên herêmê dibêjin, çekdar her kîloyeke genim, bi 25 an 30 lîreyên Sûriyê difiroşin û derbasî Tirkiyê dikin.