Li Girtîgeha Sîncanê girtiyê 70 salî bi Covid-19ê ketiye

PeyamaKurd - Parlamenterê HDPê Omer Farûk Gergerlîoglû, diyar kir ku li Girtîgeha Sîncanê testa Covid-19ê ya girtiyekê 70 salî pozîtîf derketiye.

Parlamenterê Partiya Demokratîk a Gelan (HDP) yê Kocaeliyê Omer Farûk Gergerlîoglû, diyar kir ku li Girtîgeha Sîncanê testa vîrûsa koronaya nû (Covid-19) girtiyek 70 salî pozîtîf derketiye. Gergerlîoglû, li ser hesabê xwe yê medya civakî derbarê bûyerê de ev agahî da: “Li Girtîgeha Sîncanê, mixabin girtiyek 70 salî bi Koronayê ketiye. Ev girtî di qawîşa L 2 C9 de dimîne. Midurê girtîgehê rewş ji wezaretê re ragihandiye.” 

Mixabin ji girtîgeha Sîncanê xebera Coronayê hat!

Girtiyekî 70 salî yê di menzela L2 C9an de bi Coronayê ket!

Dereng nemînin! Bi awayekî lezgî ji bo hemû girtiyan çareseriyeke vekhev çêbikin!

— Ömer Faruk Gergerlioglu (Kurdî) (@ofgkurdi) March 24, 2020

Gergerlîoglû, di parvekirina xwe de Wezareta Dadê etîket kir û got: “Ev 2 heftene ji bo rewşa lazgîn a mijarê em di qilqilîn, lê em daxuyaniyên vê yekê paş guh dikin dibihîsin. Heya ku derê? Divê demildest paketa adîlane, înfaza wekhev û darazê derbikeve.”

Ev yek di demekê de ye ku bang li rayedarên dewletê tê kirin ku girtîyên siyasî werin berdan.