NYTê bi jimareke taybet lîsteya qûrbaniyên koronayê yad kir
PeyamaKurd – Rojnameya New York Times a Amerîk bi sedema zêdebûna mirinên ji vîrusa koronayê ji bo yadkirina qûrbaniyan di hejmara xwe ya dawî de rûpeleke taybet weşand.
NYTê di jimara taybet a bo qûrbaniyên koronayê de got, "Ew ne tenê kesên di lîsteyê de ne. Ew em in.”
Di rûpela destpêkê ya 24ê Gulanê de NYT nav bi nav lîsteya hejmareke zêde ya qûrbaniyên vîrusa koronayê dide û li kêleka navê wan jî behsa xeyalên wan û kurteagahiyên derbarê wan de dike.
Herwiha di rûpela paşîn de jî rojnameyê cih daye lîsteya kesên jiyana xwe ji dest dane.
The front page of The New York Times for May 24, 2020 pic.twitter.com/d14JhFp4CP
— The New York Times (@nytimes) May 24, 2020Li Amerîkayê heta niha ji nexweşiya vîrusa koronaya nû Covid-19 98 hezar 683 kesan can daye û milyonek û 666 hezar zêdetir kes jî testên wan pozîtîf derketine.
Li seranser dinyayê jî heta niha hejmara miriyên koronayê gihîştiye 344 hezar û 419 kesan û 5,427,936 kesên tûşbûyî hatine tomarkirin.
Nûçeyên girîng
Nûçeyên têkildar
Hêj şîrove tune. Hûn şîroveya yekem binivîsin!
Şîroveya xwe binivîsin