Siyasetmedarê Kurd Mehdî Zana wefat kir: Jiyana wî ya siyasî

PeyamaKurd - Siyasetmedar û rewşenbîrê Kurd, şaredarê berê yê Şaredariya Diyarbekirê Mehdî Zana di temenê xwe yê 86 saliyê de ji ber nexweşiyê îro 29ê Tebaxê li Diyarbekirê koça dawî kir.

Hat ragihandin ku Mehdî Zana çend roj berê rakiribûn nexweşxaneyê û di bin tedawiya giran de bû.

Cenazeyê Zana dê sibe 30yê Tebaxê li Diyarbekir li Goristana Yenîkoyê bi merasîmekê bê veşartin.

Jiyana Mehdî Zana

Mehdî Zana di sala 1940î de li navçeya Farqînê ya Diyarbekirê hatibû dinê û di temenê xwe yê ciwanî de tevlî xebatên siyasî û civakî yên bo mafên gelê Kurd bûbû.

Zana yê ku di nava Partiya Karkerên Tirkiyeyê (TİP) û Komeleyên Rojava yên Çandê (DDKO) de rolên girîng lîstibû, di hilbijartinên sala 1977an de wekî berbijêrê serbixwe bûbû Şaredarê Diyarbekirê.

Piştî derbeya 12ê Îlonê hatibû girtin û nêzî 16 salan di girtîgehê de mabû.

Zana ku piştî girtîgehê salên dirêj li Ewrûpayê jiya cara yekem di 2004an de vegeriya welat. Zana herwiha hevjînê siyasetmedara Kurd a naskirî Leyla Zana ye.