HSD: Tirkiye hêzê kom dike û amadekariya êrîsên nû dike

PeyamaKurd – Hêzên Sûriya Demokratîk (HSD) ragihand ku  artêşa Tirkiyê amadekariya êrîşên nû dike û hêzên zêde yên komên çekdar li gundewarê Til Temir û Eyn Îsayê kom dike.

Navenda Ragihandinê ya Hêzên Sûriya Demokrat (HSD) bi daxuyaniyeke nivîskî ragihand, artêşa Tirkiyê amadekariya êrîşên nû dike û çekdarên zêde yên opozîsyonê  li gundewarên Til Temir û Eyn Îsayê bicih dike.

Di daxuyaniya 62yemîn roja destpêkirina êrîşên Tirkiyê de, HSDê da xuyakirin ku êrîş berdewam in û artêşa Tirkiye û komên çekdarên girêdayî wê bi çekên giran êrîşî gundewarên TilTemir û Eyn Îsayê dikin.