ترەمپ بەنیازە ئیخوان موسلیمین وەک "رێکخراوی تیرۆریستی بیانی" دەستنیشان بکات

دۆناڵد ترەمپ، سەرۆکی ئەمریکا دوێنێ یەکشەممە ڕایگەیاند کە ئامادەکاری دەکات بۆ ئەوەی ئیخوان موسلیمین وەک "رێکخراوێکی تیرۆریستی بیانی" دەستنیشان بکات.
ئەم ڕاگەیاندنە لە کاتێکدایە کە فشارەکانی ئەندامانی کۆماریخوازی کۆنگرێس لە زیادبووندایە بۆ پاڵنانی ئیدارەکە بەرەو گرتنەبەری ڕێوشوێنی ڕاستەوخۆ لە دژی ئەو گرووپە، کە لە بازنەکانی کۆنەپەرستاندا وەک هێزێکی ناسەقامگیرکەر لە ناوچەکە و بەشداربوویەک لە بڵاوبوونەوەی توندڕەوی تەماشا دەکرێت.
ترەمپ بە جەست نیوز-ی ڕاگەیاندووە، ئەم کارە "بە بەهێزترین زاراوە" ئەنجام دەدرێت و بەڵگەنامەکانی کۆتاییش ئامادە دەکرێن.
بەگوێرەی ڕاپۆرتە تایبەتەکە، ئەو دەستنیشانکردنە ڕێگری دەکات لە ڕۆیشتنی پارەی ئەمریکا بۆ هەر چالاکیەک کە پەیوەندی بەو گروپەوە هەبێت، هەروەها قەدەغەکردنی چوونە ناو ئەندامەکانی بۆ ئەمریکا و گرنگیدان بە بەرپەرچدانەوەی هەر هەڕەشەیەک کە پەیوەندی بە توندوتیژی یان تۆقاندنەوە هەبێت.