نامەیەکی یاسادانەرانی ئەمەریکا بۆ عەون و سەلام داوا دەکات هەنگاو بۆ داماڵینی چەک لە حزبوڵڵا بگیرێتەبەر

ژمارەیەک لە ئەندامانی کۆنگرێسی ئەمەریکا لە هەردوو پارتی کۆماری و دیموکرات نامەیەکیان ئاراستەی جۆزێف عەون سەرۆکی لوبنان و نەواف سەلام سەرۆک وەزیرانی لوبنان کرد و داوایان لێکردن هەنگاوی "بەپەلە و چارەنووسساز" بنێن بۆ داماڵینی چەک لە حزبوڵای لوبنان بەگوێرەی ڕێککەوتنی ئاگربەست کە لە تشرینی دووەمی 2014 لە نێوان لوبنان و ئیسرائیل واژۆ کرا، تەنانەت ئەگەر پێویستی بە بەکارهێنانی هێزیش هەبێت.

ئەو پەرلەمانتارانە حکومەتی لوبنانیان تۆمەتبارکرد بەوەی کە ئەرکەکانی لە چەکداماڵین جێبەجێنەکردووە و هۆشداریشیاندا لەوەی ئەم بێکردەوەیە دەتوانێت ببێتە هۆی ئەوەی ئەمریکا چاو بە پشتیوانییەکانی خۆی بۆ لوبنان بخشێنێتەوە. لە نامەکەیاندا ڕایانگەیاندووە کە "ڕێوشوێنی پارچە پارچە و بەڵێنی دووبارە" ئەنجامە خوازراوەکانی بەدەست نەهێناوە، ئەمەش ڕێگەی بە حزبوڵڵا داوە توانا و پێگەی خۆی بنیات بنێتەوە، لەوانەش لە ناوچەکانی باشووری ڕووباری لیتانی کە بڕیارنامەی ١٧٠١ی ئەنجومەنی ئاسایشی نەتەوە یەکگرتووەکان دەگرێتەوە.

نوێنەرانی لوبنان ئەوەشیان زیاد کرد کە "دواخستنی کارەکان لوبنان دەخاتە مەترسییەوە کە بخلیسکێتە ڕووبەڕووبوونەوەیەکی نوێ"، ئاماژەیان بەوە کردووە کە نەبوونی پێشکەوتن لە جێبەجێکردنی ڕێککەوتنەکەدا وایکردووە خێزانەکان لە باشووری لوبنان زیاتر بێهێزتر بن و ڕێگەی بە حزبوڵڵا داوە ئامادەیی خۆی بەهێزتر بکات. لە نامەکەدا هۆشداری دراوە لەوەی کە حکومەتی لوبنان "مەترسی بۆردومانی ئیسرائیلی نوێبووەوە" دەکات ئەگەر "بێکردەوە"ەکەی بەردەوام بێت، جەختیشی لەوە کردەوە کە ئەمریکا "تادێت قورستر دەبێت پاساو بۆ پشتیوانی خۆی بۆ حکومەتێک بهێنێتەوە کە شکست دەهێنێت لە پابەندبوون بە بەڵێنەکانی و ڕێگە بە ڕێکخراوێکی چەکداری دەدات داهاتووی وڵاتەکە دیاری بکات".

نامەکە بە سەرۆکایەتی نوێنەر جۆش گۆتهایمەر بە هاوبەشی لەلایەن نوێنەران جێفرسۆن شەریف، دۆن بیکۆن، گاس بیلیراکیس، مارک مێسمێر، تۆم سووزی، کلۆدیا تێنی، دۆن دەیڤس و جارێد گۆڵدن واژۆ کراوە.