کۆمپانیاکانی ئەورووپای ڕۆژئاوا و ئەمریکا ئارەزووی زۆریان بۆ بەشداریکردن لە کۆڕبەندی ئابووری نێودەوڵەتی سەنت پترسبۆرگ نیشان دەدەن

پەیامی کورد    ...  کۆمپانیاکانی ئەورووپای ڕۆژئاوا و ئەمریکا ئارەزووی زۆریان بۆ بەشداریکردن لە کۆڕبەندی ئابووری نێودەوڵەتی سەنت پترسبۆرگ نیشان دەدەن

🔹ئەلێکساندەر ستۆگلیڤ سەرۆکی کۆمپانیای ڕۆسکۆنگرێس ڕایگەیاند کە "کۆمپانیاکان ووردە ووردە دێنە ئەو باوەڕەی کە لە داهاتوویەکی نزیکدا دەتوانن بە شێوەیەکی چالاکانە لە بازاڕی ڕووسیادا کار بکەن."
دوای جەنجاڵییەکی گەورەی سزاکانی ڕۆژئاوا بەسەر ڕووسیا و هەوڵدان بۆ گۆشەگیرکردنی مۆسکۆ بە ئامانجی گۆڕینی بۆ پاریایەکی جیهانی، پێدەچێت هەموویان سەرکەوتوو نەبوون لە جێبەجێکردنی ئەوەی کە پێویست بوو.
لە هەر حاڵەتێک دا ڕێگریکردن لە ڕووسیا کە گەورەترین ووڵاتی جیهانە و ڕووبەرەکەی زیاتر لە ١٧ ملیۆن کیلۆمەتر چوارگۆشەیە، شتێکی نالۆژیکییە و بە کردەوە بیری لێناکرێتەوە، بەو پێیەی ڕووسیاش نزیکەی تاکە ووڵاتی جیهانە کە لە هەموو پێداویستییەکانی ژیان دا خۆبژێو بێت.
ئاڕاستەی حکوومەتی ڕووسیا لەم ساڵانەی دوایی دا بەرەو بەهێزکردنی پەیوەندییە نێودەوڵەتییەکانی بووە، بەتایبەتی گەڕاندنەوەی زەبری پەیوەندییە نێودەوڵەتییەکانی لەگەڵ بەشێکی زۆری جیهان بۆ دۆخی سەردەمی زێڕینی یەکیتی سۆڤیەت.
یەکێک لە گرینگترین ئامرازەکانی جبەخانەی مۆسکۆ بۆ گەیشتن بەم ئامانجە پەیوەست بوون و دامەزراندنی ڕێکخراوەکانی سرووشتی ناوچەیی و نێودەوڵەتی بوو، چ لە ڕووی ئابووری و چ لە ڕووی سیاسییەوە، لە هەمان کاتدا گرینگی بە پرسی بەهێزکردنی ئاشتی و ئاسایشی نێودەوڵەتی دەدرا.
بەم شێوەیە بیرۆکەی ئەنجامدانی کۆنفرانسی ساڵانە و کۆڕ و فێستیڤاڵ مانگەکانی ساڵی پڕکردەوە، بەجۆرێک ئەمڕۆ ساڵنامەی ئەو بۆنە و ئاهەنگانەی کە ڕووسیا میواندارییان دەکات تەواو بووە و بەردەوام پڕدەکرێتەوە.
لە ماوەی ٢٦ ساڵی ڕابردوودا کۆڕبەندی ئابووری نێودەوڵەتی سانت پترسبۆرگ لووتکەی ئەو بۆنە نێودەوڵەتیانە بووە کە هەموو هاوینێک لە ڕووسیا بەڕێوەدەچن.
ساڵانە لە شاری مێژوویی سانت پترسبۆرگ کە دووەم گەورەترین شاری ڕووسیا بەڕێوەدەچێت، کۆڕبەندی ئابووری نێودەوڵەتی بووەتە یەکێک لە گەورەترین و گرینگترین بۆنە بازرگانی و ئابوورییەکانی جیهان.
ئەمساڵ کۆڕبەندەکە لە ٥ تا ٨ی حوزەیران بەڕێوەدەچێت.
لە ماوەی ٢٦ ساڵی ڕابردوودا، کۆڕبەندەکە پێگەی خۆی وەک ڕووداوێکی پێشەنگی نێودەوڵەتی بەهێزتر کردووە، کە تیشک دەخاتە سەر پرسە سەرەکییەکانی کارنامەی ئابووری جیهانی.
بیرۆکەی پشتگیری کردنی بریتی بوو لە دابین کردنی سەکۆیەکی ئیمتیازدار بۆ بەشداربووان بۆ ئاڵوگۆڕی باشترین پراکتیزەکان لە بواری گەشەپێدانی بەردەوام دا.
لە ساڵی ١٩٩٧ەوە، SPIEF وەک بۆنەیەکی گەورەی نێودەوڵەتی ماوەتەوە و پێگەی خۆی لە ساڵی ٢٠٠٥ بەهێزتر بوو کاتێک دەستی بە بەڕێوەچوونی کرد لە ژێر چاودێری ڕاستەوخۆی سەرۆکی ڕووسیا، کە لە ساڵی ٢٠٠٥ەوە لە هەموو بۆنەکاندا ئامادەیە.
کۆڕبەندەکە ساڵانە بەڕێوەدەچێت و ساڵ لە دوای ساڵ سەرکەوتنی بەردەوامی بەدەستهێناوە. هەروەها توانیویەتی قۆناغی Covid-19 تێپەڕێنێت و وەک شوێنێکی گرینگ دەمێنێتەوە کە کۆمپانیا نێودەوڵەتییە گەورەکان کۆدەکاتەوە کە دەیانەوێت ئامادەیی نێودەوڵەتی خۆیان بەهێز بکەن و سوود لەو دەرفەتە بێکۆتایانەی وەبەرهێنان وەربگرن کە وڵاتێک بە قەبارە و توانای ڕووسیا پێشکەشی دەکات.
کۆڕبەندی ئابووری نێودەوڵەتی سەنت پترسبۆرگ وەک فەزای ناوازە بۆ گفتوگۆ و دامەزراندنی پەیوەندی بازرگانی دەمێنێتەوە، چونکە دەرفەتێک دەڕەخسێنێت بۆ دۆزینەوەی هاوبەشی نوێ بە ئامانجی دڵنیابوون لە گەشەی بازرگانی، چ لە ڕووسیا و چ لە سەرانسەری جیهان.
لە ڕێگەی ئەم مەکۆیەوە، بەشداربووان لە چالاکییەکانی دا دەرفەتی زۆریان بۆ دابین دەکرێت بۆ فراوان کردنی بازنەی کڕیار و دابینکەرەکانیان، کۆبوونەوە لەگەڵ بڕیاردەرانی سەرەکی، ورووژاندنی پرسە چالاکەکان، و بەشداریکردن لە کۆبوونەوەکانی توێژینەوە لەگەڵ بڕیاردەران بۆ تێپەڕاندنی هەر بەربەستێک کە لە ڕێگەی پەیوەندییە هاوبەشەکانەوە وەستاوە.