گڕووسی : دیپلۆماسی تاکە ڕێگایە بۆ گەیشتن بە چارەسەرێکی بەردەوام بۆ بەرنامە ئەتۆمییەکەی ئێران

پەیامی کورد   ...   گڕووسی : دیپلۆماسی تاکە ڕێگایە بۆ گەیشتن بە چارەسەرێکی بەردەوام بۆ بەرنامە ئەتۆمییەکەی ئێران

🔸ڕافائیل گڕووسی، بەڕێوبەری گشتی ئاژانسی نێودەوڵەتی ووزەی ئەتۆمی، داوای گەڕانەوە بۆ گفتوگۆ سەبارەت بە بەرنامە ئەتۆمییەکەی ئێران کرد.

🔸لە چاوپێکەوتنێک دا لەگەڵ کەناڵی فڕانس 24 کە بەرەبەیانی هەینی پەخشکرا، گڕووسی بانگەشەی ئەوەی کرد کە بەرنامە ئەتۆمییەکەی ئێران بەهۆی هێرشەکانی ئیسرائیل و ئەمریکا بۆ سەر دامەزراوە پیتاندنەکانی نەتەنز، ئیسفەهان و فۆردۆ "زیانێکی زۆری پێگەیشتووە".

🔸ئاماژە بەوەی کە "ئێران پێویستی بە کاتی هەیە بۆ دووبارە بونیاتنانەوەی بنکەی ئەم تەکنۆلۆژیای پیشەسازییە" و شارەزایان ئەم ماوەیە بە ساڵێک یان زیاتر مەزەندە دەکەن. ماددەی ئەتۆمی ئێران بە شێوەیەکی سەرەکی لەو شوێنانە هەڵکەوتووە کە هێرشیان کراوەتە سەر و ئەم مادەیە "رێگە بە ئێران دەدات چەند چەکی ئەتۆمی دروست بکات".

🔸بەڕێوەبەری گشتی ئاژانسی نێودەوڵەتی ووزەی ئەتۆمی ڕایگەیاند، هێرشەکانی ئەمریکا و ئیسرائیل گۆڕانکارییەکی بەرچاو بووە "لە دیپلۆماسییەوە بۆ بەکارهێنانی هێز" و پێچەوانەبوونەوەی ساڵانێکە لە دانووستانەکان. داوای گەڕانەوەی بۆ دیالۆگ کرد و دیپلۆماسی بە "تاکە ڕێگە بۆ چارەسەری بەردەوام" ناوبرد.

🔸گڕووسی بانگەشەی ئەوەی کرد کە دوای هێرشەکانی ئەمریکا و ئیسرائیل، “نەمان توانیوە بگەڕێینەوە بۆ ئێران، ئێران یاسایەکی ناوخۆیی دەرکردووە کە دەڵێت دەبێت هاوکاریمان لەگەڵ ئێمە سنووردار بکەن”.

🔸ئەو ڕایگەیاند کە ئاژانسی نێودەوڵەتی ووزەی ئەتۆمی هێشتا لە دانووستان دایە لەگەڵ ئێران.