یەپەگە: شەڕڤانان (٥٠) سەربازی تورکیا لەعەفرین دەکوژن

ناوەندی راگەیاندنی یەكینەكانی پاراستنی گەل رایگەیاندووە، کە (٥٠) سەربازی سوپای توركیا لەعەفرین كوژراون.
بەپێی هەواڵێکی ئاژانسی هاوارنیوز، ناوەندی راگەیاندنی یەكینەكانی پاراستنی گەل (یەپەگە) رایگەیاند، شەوی رابردوو لەمیانی هەڵمەتێكی شەڕڤانان و هاووڵاتیاندا لەعەفرین (٥٠) سەربازی توركیا و گروپە چەكدارەكانی نزیك لەتوركیا كوژراون.
ئەوەش دوای ئەوە دێت کە ماوەی نزیکەی (٦٠) رۆژە بەرخۆدانی شەڕڤانانی یەپەگە و یەپەژە لەعەفرین بەردەوامی هەیە و دوێنێ یەكشەممە شەڕڤانان لەبەشێكی شارەكە كشانەوەو لەئێستادا قۆناغێكی نوێی بەرخۆدانیان دەستپێكردووەو جەختیانکردووەتەوە، کە هێرشی کۆنترۆڵکردنەوەی عەفرین دەستپێدەکەن.