شوانێک شوێنەوارێکی دەگمەنی زێڕین لە چیای مەقلووب دەدۆزێتەوە

پەیامی کورد   ...   شوانێک شوێنەوارێکی دەگمەنی زێڕین لە چیای مەقلووب دەدۆزێتەوە

شوانێکی سنووری پارێزگای نەینەوا لە کاتی لەوەڕاندنی مەڕەکانی دا لە دامێنەکانی چیای مەقلووب، پەیکەرێکی زێڕینی بە شێوەی وشتر دۆزیوەتەوە و وەک هەڵوێستێکی نیشتمانی ڕادەستی لایەنە پەیوەندیدارەکانی حکوومەتی کردووە.

ئەم دۆزینەوە شوێنەوارییە دەنگدانەوەیەکی زۆری لە ناوەندە ڕۆشنبیرییەکاندا درووست کردووە و بە یەکێک لە دەستکەوتە گرینگەکانی ئەم دوایی یەی بواری کەلەپووری ناوچەکە دادەندرێت.
بەپێی زانیارییە سەرەتایی یەکان، پەیکەرەکە لە زێڕی پاک درووست کراوە و گوزارشت لە هونەری سەردەمە کۆنەکانی ناوچەکە دەکات، کە نیشانەی بوونی شارستانیەتێکی دەوڵەمەندە لەو دەڤەرەدا.